Wettbewärb

Hiä chunnt d'Uifleesig vom Wettbewärb vo meynärä Ereffnig vom 4. Oktober 2014:

 

Folgendi Antwortä sind richtig gsi:

 

1. Fraag: I wellärä scheenä Gmäind bin ich uifgwachsä?

Richtigi Antwort: Buochs

 

2. Fraag: Wo spiel ich sid 3 Jahr Theater?

Richtigi Antwort: Kerns (Kernser Spielleute)

 

3. Fraag: I wellärä Gmeind han ich z'letscht mal imänä Coiffure-Gschäft gschaffed?

Richtigi Antwort: Hergiswil (Roswitha's Hairteam)

 

Bi dr Schätz-Fraag hed dä "Buschel" Haar im groossä Glas genai 278gr gwogä (ohni Glas).

 

Us all denä, wo die erschtä 3 Fraagä richtig gha hend, han ich de diä 3 Täilnähmer gsuächt, wo mid ihrem Schätzresultat meglichscht neech a diä 278gr anä cho sind.

 

 

 

Das hed de folgendi Gwinner gäh:


1. Preys: Coiffure-Guätscheyn im Wärt vo SFr. 65.--

CHRISTIAN SCHMID / ALPNACH DORF

nur 45 g Haar denäbä graatä


2. Preys: Coiffure-Guätscheyn im Wärt vo SFr. 30.--

ARIANE JOLLER / HERGISWIL

nur 50 g Haar denäbä graatä


3. Preys: Shampoo im Wärt vo SFr. 15.--

BERNADETTE RISI-SCHLIENGER / BUOCHS

nur 78 g Haar denäbä graatä


Härzlichi Gratulation!!!


Was hend de diä andärä Wettbewärbsteilnähmer so uisgfillt?

1 Person hed doch tatsächlich numä 8 g Haar denäbä graatä, aber het mich uf Dalläweyl heitaah! Ich bi zwar ä halbi Dalläweyleri, aber doch ds Buochs uifgwachsä und i d'Schuäl.

 

Ä weytery Person hed vor luiter redä ds Haar-Gwicht vergässä izträägä (und bi seynä 2 Chind grad ai nu)! Äs isch derä Person aber doch nu am gleychä Taag ds Sii cho!

 

Aber diä 3. Fraag hend alli richtig beantwortet. 


Ich ha aber gar nid gwisst, dass ich derzeyt ds Buochs und ds Stans uf dr Theaterbeyni sell stah und ds Dalläweyl uifgwachsä sell sey! Vilicht gits ja nu anderi Karin Röthlin's in Nidwaldä!

 

Aber alles in allem hend doch sehr vili uber mich Bscheid gwisst, was mich ai sehr gfreit hed. Und diä andärä wissids ja etz ai! :-D