Uber mich

Wiä scho under "Willkommä" churz erwend, han ich im Coiffure-Bisness wieder Fuäss chennä fassä. Äs isch scheen gsi, wieder zrugg uf mey Bruäf chennä z'wächslä.

 

Meyni Fitnesszeyt isch zwar abwächsligsreych gsi, aber ich ha s'Kreativä vom Coiffure-Bruäf scho sehr vermisst.

 

Ich bi ds Buochs uifgwachsä und bi ai dett i d'Schuäl gangä.

 

D'Lehrjahr han ich de ds Stans bim Coiffeur Monopol absolviert und ds Herräfach in Malters bim Coiffeur Steiner. Meyni Bruäfserfahrig han ich de ds Hergiswil bi "Roswitha's Hair Team" derfä machä.

 

D'Liäbi hed mich de uf Obwaldä uifä zogä. Meys dr Heimä isch jetzt ds Chärns. Ich freiä mich, dass ich jetz ai in Chärns darf schaffä. Ich bi verhiiratet mit em Florentin, wo miär u.a. d'Webseytä erschtellt hed und mich ai sehr unterschtizt.

 

Meyni Hobbys sind Theater spilä bi dr "Kernser Spielleyt", singä bim "Samiglaiser-Chor", läsä, Nordic-Walking, Velo- und Schiifahrä.